Search just our sites by using our customised search engine
Unique Cottages | Electric Scotland's Classified Directory

Click here to get a Printer Friendly Page

Birlin Keir
By David Purves

Click here to listen to this in Real Audio read by Peter D Wright

A've aften hard it said afore,
Keir Hardie wadna ligg sae douce
ablo the mouls gin he coud see
the gowks his Pairtie herbors nou.
A hae hard tell anaw that at
the tyme thay hansil Parliement,
thay hae ane unco chiel, Blek Rod,
that thryce maun chap the chaumer dure
afore thay mak ti lat him in;
an forby this, begairtert hochs,
bewiggity heids an baubils bricht,
haigilt aroun wi mukkil mass.
At ae sic tyme afore the War,
McGovern frae reid Shettleston,
raired out - asyde himsell -’‘For God's
Sake, stap this humbug, for at hame,
the-nou, ma puir constituents
is aw but stervin, sae thay ir!
Ye may be shuir thay warna lang
or thay frogmaircht him out the houss,
richt smert, Scotch skoundril that he wes.

But youn wes aw langsyne
whan fowk stil myndit o
the gleid in Hardie's ee.
The'r nae McGoverns nou
nor ir the lyke ti be!

Published in the Scots Independent March 2004


Return to Poetry/Quotes/Stories


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus