Search just our sites by using our customised search engine

Unique Cottages | Electric Scotland's Classified Directory

Click here to get a Printer Friendly PageSmiley

The Boy in the Train
by Mrs M C Smith

Click here to listen to this in RealAudio read buy Marilyn P Wright

M C Edgar was the daughter of the minister at Burn's one-time parish of Mauchline in Ayrshire. She was born in Kirkcudbrightshire, and moved to Dulwich in London when she married.

Whit wey does the engine say Toot-toot? 
Is it feart to gang in the tunnel?
Whit wey is the furnace no pit oot 
When the rain gangs doon the funnel?
What’ll I hae for my tea the nicht? 
A herrin’, or maybe a haddie?
Has Gran’ma gotten electric licht? 
Is the next stop Kirkcaddy?

There’s a hoodie-craw on yon turnip-raw! 
An’ sea-gulls! — sax or seeven.
I’ll no fa’ oot o’ the windae, Maw, 
It’s sneckit, as sure as I’m leevin’.
We’re into the tunnel! we’re a’ in the dark! 
But dinna be frichtit, Daddy,
We’ll sune be comin’ to Beveridge Park, 
And the next stop’s Kirkcaddy!

Is yon the mune I see in the sky? 
It’s awfu’ wee an’ curly.
See! there’s a coo and a cauf ootbye, 
An’ a lassie pu’in’ a hurly!
He’s chackit the tickets and gien them back, 
Sae gie me my ain yin, Daddy.
Lift doon the bag frae the luggage rack, 
For the next stop’s Kirkcaddy!

There’s a gey wheen boats at the harbour mou’, 
And eh! dae ye see the cruisers?
The cinnamon drop I was sookin’ the noo 
Has tummelt an’ stuck tae ma troosers
I’ll sune be ringin’ ma Gran’ma’s bell, 
She’ll cry, ‘Come ben, my laddie.’
For I ken mysel’ by the queer-like smell 
That the next stop’s Kirkcaddy!’

Kirkcaldy was famous for its linoleum factories which left a distinctive smell along the Fife coast. The locals were sensitive about it.

Return to Poetry/Quotes/Stories


 


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus

Quantcast