Search just our sites by using our customised search engine
Unique Cottages | Electric Scotland's Classified Directory

Click here to get a Printer Friendly Page

The Curse o Scotland
by Kenneth C Fraser

Click here to listen to this poem read by Peter D Wright

"Haud fast thegither - evermair haud fast
An pairt nae hame o fredom frae anither -
Keep gaird upon your bens, sae that wi speed
The patriot band wi ither bands can gaither -
Unite - unite - unite- "

                                  Schiller :  William Tell

"Unite!" the patriot cried : an sae they did.
But they were Swiss, no Scots, an haund in haund
They'd stap the strife o pairties, syne wad staund
As ane tae struggle fur the ntion's guid.

Time efter time, Scots history can tell,
Against the fae we widnae haud thegither :
Ay, e'en oor kirkmen focht wi ane anither
Tae pruive wha kent the truest wey tae Hell.

An nou it's juist the same : we'll aa defend
Oor pairty tae the daith. We ken that aye
Ilk ane wants fredom - but in his ain wey -
An this is hou auld Scotland's tale will end.

While, luikan doun on ilk heich-mindit fule,
The compromsan English smile an rule.

Note : This poem was first published in 'Scots Glasnost', under the auspices of the Scots Independent, in August 1992.


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus