|
A Richt Guid Girn
by
James S Adam
Read by Marilyn Wright
Click
here to listen to this in RealAudio
Whan sleety rain stots cauld aff cheek an brou,
an
wind bites neb an lugs gey snell,
ye
wish ye'd steyed at hame in cosy warmth
wi
cheerin cup tae bide an pet yersel,
but haud a wee, conseeder this advice,
there's naethin heats sae weel's
a
richt guid girn.
The doctor's trade an skill can gie nae help,
his potions, pills an bottles leave alane,
gif gloom has grupp't yer lugs tae haud ye doon,
ye
needna book thon cauld cley bed an stane,
yer therapeutic cure lies richt tae haun,
juist treat yer thrapple wi
a
richt guid girn.
Syne look aroun an see hou things hae cheenged,
the clouds hae gane, the sun's oot, skinklan bricht,
yer hairt that wis sae dow has gat a heeze,
an
wechty fuit nou jink like feather licht.
Ye
ken the answer juist the same as me -
there's naethin cheers ye like
|
