Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

John Frost
By William Miller

Click here to listen to this in Real Audio read by Peter D Wright

You've come early to see us this year, John Frost,
Wi your crispin an poutherin gear, John Frost;
For hedge, tower, an tree, as far as I see,
Are as white as the bloom o the pear, John frost.
 
You've been very preceese wi your wark, John Frost,
Altho ye hae wrocht in the dark, John Frost;
For ilka fit-stap frae the door to the slap
Is braw as a new linen sark, John Frost.
 
There are some things aboot ye I like, John Frost,
An ithers that aft gar me fyke, John Frost;
For the weans, wi cauld taes, cryin 'shoon, stockins, claes' !
Keep us busy as bees in the byke, John Frost.
 
An to tell you I winna be blate, John Frost,
Our gudeman stops oot whiles rather late, John Frost,
An the blame's put on you, if he gets a thocht fou,
He's sae fleyed for the slippery lang gate, John Frost.
 
Ye hae fine goins-on in the north, John Frost
Wi your houses o ice, an sae forth, John Frost;
Tho their kirn's on the fire, they may kirn till they tire,
But their butter - pray what is it worth, John Frost?

Return to Poetry/Quotes/Stories