Additional Info

Click here to get a Printer Friendly Page

Share

Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

Langsyne, When Life Was Bonnie
Alexander Anderson

Click here to listen to this in Real Audio read by Marilyn Wright

Langsyne, when life was bonnie.
An' a' the skies were blue,
When ilka thocht took blossom,
An' hung its heid wi' dew,
When winter wasna' winter,
Though snaws cam' happin doon,
Langsyne, when life was bonnie,
Spring gaed a twalmonth roun.
 
Langsyne, when life was bonnie,
An' a' the days were lang;
When through them ran the music
That comes to us in sang,
We never wearied liltin'
The auld love-laden tune;
Langsyne when life was bonnie,
Love gaed a twalmonth roun'.
 
Langsyne, when life was bonnie
An' a' the warl was fair,
The leaves were green wi' simmer,
For autumn wasna there.
But listen hoo they rustle,
Wi' an eerie, weary soun',
For noo, alas, 'tis winter
That gangs a twalmonth roun'.

Return to Poetry/Quotes/Stories