Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

 A Man's A Man
by Robert Burns
Read by Jim Lynch

Is there for honest poverty
That hings his head, and a' that?
The coward-slave, we pass him by,
We daur be poor for a' that!
For a' that, and a' that,
Our toils obscure, and a' that,
The rank is but the guinea's stamp,
The Man's the gowd for a' that!

What though on hamely fare we dine,
Wear hoddin grey, and a' that;
Gie fools their silks and knaves their wine,
A Man's a Man for a' that.
For a' that, and a' that,
Their tinsel show, and a' that;
The honest man, tho' e'er sae poor,
Is king o' men for a' that!

Ye see yon birkie ca'd a lord,
Wha struts, and stares, and a' that,
Though hundreds worship at his word,
He's but a coof for a' that:
For a' that, and a' that,
His ribband, star and a' that;
The man of independent mind
He looks and laughs at a' that.

A prince can mak a belted knight,
A marquis, duke and a' that;
But an honest man's abune his might
Gude faith, he maunna fa' that!
For a' that, and a' that,
Their dignities, and a' that;
The pith o' sense and pride o' worth
Are higher rank than a' that!

Then let us pray that come it may,
As come it will for a' that
That Sense and Worth, o'er a' the earth,
May bear the gree, and a' that.
For a' that, and a' that,
It's comin yet for a' that,
That Man to Man, the world o'er,
Shall brothers be for a' that!

Return to Poetry/Quotes/Stories