Click here to listen
to this in Real Audio read by Peter D Wright
On giving her the accustomed ripp of corn to hansel
in the New Year.
A Guid New-year I wish
Hae, there's a ripp to thy auld baggie:
Tho' thou's howe-backit now, an' knaggie,
I've seen the day
Thou could hae gaen like ony staggie,
Out-owre the lay.
Tho' now thou's dowie,
stiff, an' crazy,
An' thy auld hide as white's a daisie,
I've seen thee dappl't, sleek an' glaizie,
A bonie gray:
He should been tight that daur't to raize thee,
Ance in a day.
Thou ance was i' the
A filly buirdly, steeve, an' swank;
An' set weel down a shapely shank,
As e'er tread yird;
An' could hae flown out-owre a stank,
Like ony bird.
It's now some
Sin' thou was my guid-father's mear;
He gied me thee, o' tocher clear,
An' fifty mark;
Tho' it was sma', 'twas weel-won gear,
An' thou was stark.
When first I gaed to woo
Ye then was trotting wi' your minnie:
Tho' ye was trickie, slee, an' funnie,
Ye ne'er was donsie;
But hamely, tawie, quiet, an' cannie,
An' unco sonsie.
That day, ye pranc'd wi'
When ye bure hame my bonie bride:
An' sweet an' gracefu' she did ride,
Wi' maiden air!
Kyle-Stewart I could bragged wide
For sic a pair.
Tho' now ye dow but hoyte
An' wintle like a saumont coble,
That day, ye was a jinker noble,
For heels an' win'!
An' ran them till they a' did wauble,
Far, far, behin'!
When thou an' I were young
An' stable-meals at fairs were dreigh,
How thou wad prance, and snore, an' skreigh
An' tak the road!
Town's-bodies ran, an' stood abeigh,
An' ca't thee mad.
When thou was corn't, an'
I was mellow,
We took the road aye like a swallow:
At brooses thou had ne'er a fellow,
For pith an' speed;
But ev'ry tail thou pay't them hollowm
Whare'er thou gaed.
The sma', droop-rumpl't,
Might aiblins waur't thee for a brattle;
But sax Scotch mile, thou try't their mettle,
An' gar't them whaizle:
Nae whip nor spur, but just a wattle
O' saugh or hazel.
Thou was a noble
As e'er in tug or tow was drawn!
Aft thee an' I, in aught hours' gaun,
In guid March-weather,
Hae turn'd sax rood beside our han',
For days thegither.
Thou never braing't, an'
fetch't, an' fliskit;
But thy auld tail thou wad hae whiskit,
An' spread abreed thy weel-fill'd brisket,
Wi' pith an' power;
Till sprittie knowes wad rair't an' riskit
An' slypet owre.
When frosts lay lang, an'
snaws were deep,
An' threaten'd labour back to keep,
I gied thy cog a wee bit heap
Aboon the timmer:
I ken'd my Maggie wad na sleep,
For that, or simmer.
In cart or car thou never
The steyest brae thou wad hae fac't it;
Thou never lap, an' sten't, and breastit,
Then stood to blaw;
But just thy step a wee thing hastit,
Thou snoov't awa.
My pleugh is now thy bairn-time
Four gallant brutes as e'er did draw;
Forbye sax mae I've sell't awa,
That thou hast nurst:
They drew me thretteen pund an' twa,
The vera warst.
Mony a sair daurk we twa
An' wi' the weary warl' fought!
An' mony an anxious day, I thought
We wad be beat!
Yet here to crazy age we're brought,
Wi' something yet.
An' think na', my auld
That now perhaps thou's less deservin,
An' thy auld days may end in starvin;
For my last fow,
A heapit stimpart, I'll reserve ane
Laid by for you.
We've worn to crazy years
We'll toyte about wi' ane anither;
Wi' tentie care I'll flit thy tether
To some hain'd rig,
Whare ye may nobly rax your leather,
Wi' sma' fatigue.