Search just our sites by using our customised search engine

Unique Cottages | Electric Scotland's Classified Directory

Click here to get a Printer Friendly PageSmiley

 The Spaewife
Robert Louis Stevenson
1850 - 1894

Click here to listen to this in Real Audio read by Marilyn Wright

O, I wad like to ken - to the beggar-wife says I -
Why chops are guid to brander and nane sae guid to fry.
An' siller, that's sae braw to keep, is brawer still to gi'e.
- It's gey an' easy spierin', says the beggar-wife to me.

O, I wad like to ken - to the beggar-wife says I -
Hoo a' things come to be whaur we find them when we try,
The lasses in their claes an' the fishes in the sea.
- It's gey an' easy spierin', says the beggar-wife to me.

O, I wad like to ken - to the beggar-wife says I -
Why lads are a' to sell an' lasses a' to buy;
An' naebody for dacency but barely twa or three
- It's gey an' easy spierin', says the beggar-wife to me.

O, I wad like to ken - to the beggar-wife says I -
Gin death's as shure to men as killin' is to kye,
Why God has filled the yearth sae fu' o' tasty things to pree.
- It's gey an' easy spierin', says the beggar-wife to me.

O, I wad like to ken - to the beggar wife says I -
The reason o' the cause an' the wherefore o' the why,
Wi' mony anither riddle brings the tear into my e'e.
- It's gey an' easy spierin', says the beggar-wife to me.

Return to Poetry/Quotes/Stories


 


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus

Quantcast