A wis passin the museum
An A nearly didna see him,
As a hurried on ma wey doon Chambers Street,
He'd a face thit looked gey glaikit
An he wore a khaki jaiket
An a pair o army boots upon his feet!
He'd only yin guid airm
An his richt ee wis juist starin
An his notice read - The Falklands A wis thare
An in place o his left leg
Thir wis juist a wooden peg,
Well fir that puir man - ma hert wis awfu sair.
So A placed a fiver in his hand
An said - Man A understand,
Yir belief in aw the things that you focht for,
Then he smiled an shook his head,
An turned tae me an said,
Thank-a -you so very much-ma-good Senor.
