Additional Info

Click here to get a Printer Friendly Page

Share

Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

The Weary Spinnin O't
Dorothea Maria Ogilvy of Clova (1823-1895)

Click here to listen to this in Real Audio read by Marilyn Wright

Sittin spinnin, sittin spinnin
A' the lea-lang day,
Hearin the bit burnie rinnin,
And the bairns at play.
I'm sweir to get my leg let loose,
To do a turn about the hoose ;
Oh, amna I a waefu wife
To spin awa my thried o life ?
Spinnin, spinnin, ever spinnin,
Never endin, aye beginnin ;
Hard at wark wi hand and fuit,
Oh, the weary spinnin o't.
 
Sittin spinnin, sittin spinnin,
Vow but I am thrang,
My wee pickle siller winnin,
Croonin some auld sang.
Leese me o my spinnin-wheel,
Gie's us a' oor milk and meal ;
Weet or dry, or het or cauld,
I maun spin till I grow auld.
Spinnin, spinnin, ever spinnin,
Never endin, aye beginnin,
Hard at wark wi hand and fuit
At the weary spinnin o't.
 
Sittin spinnin, sittin spinnin,
Sic a wear and tear,
Taps o tow for wabs o linen,
Till my heid is sair.
Mony a wiselike wab I've spun,
Spried and sortit i the sun ;
Puirtith cauld is ill to bear ;
Mony bairns bring mickle care.
Spinnin, spinnin, ever spinnin,
Never endin, aye beginnin,
Hard at wark wi hand and fuit,
Oh, the weary spinnin o't !

Return to Poetry/Quotes/Stories