What if Scots, ( a nearly nation
wir ti vote an claim thir ain,
or does fear o ruination
haunt them ow'r an ow'r again?
Thro'oot years o douce dependence,
Empire Scots thrived in the role,
danced assiduous attendance,
bent the knee - an took thir dole.
Is this whey thir's slow reaction,
ti the case for freedom noo?
ti democratise the faction
needs thir statehood, no a broo.
Let the Scots then, at a canter,
heist thir country's legacy,
do or dee an fin the answer
devolution cannae gie.
Note : broo (Scots); Fr. bureau