Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

Click here to get a Printer Friendly Page

TAE THE BEGGIN'
Traditional

O' a' the trades I do ken.
The beggin' is the best,
For when a beggar's weary
He can aye sit doon an' rest,
Chorus - Tae the beggin' I will go, will go,
              tae the beggin' I will go.
 
It's I'll gyang tae the cobbler
An' gar him sort my shoon ;
An inch thick tae the boddam
An' clooted weel abune.
 
An' I will tae the greasy cook,
Frae him I'll buy a hat,
Weel press'd and weather-beaten,
An' glitt'rin ower wi' fat.
 
An' I will tae the tailor,
Wi' a wab o' hodden gray,
An' gar him mak' a cloak for me,
Will hap me nicht and day.
 
An' yet ere I begin my trade,
I'll let my beard grow strang ;
Nor pare my nails this year or day
For the beggars wear them lang.
 
I'll pit nae watter on my hands
As little on my face ;
For still the lowner like I am,
The mair my trade I'll grace.
 
When I come tae a fairm-toon
I'll say wi' hat in hand ;
"Will the beggar-man get quarters here ?
Alas, I canna stand."
 
An' when they're a' come in aboot
It's then I'll start tae sing.
An' dae my best tae gar them lauch
A' roon aboot the ring.
 
If there's a wedding in the toon ;
I'll airt me tae be there ;
An' pour my kindest benisons
Upon the happy pair.
 
An' some will give me beef an' breid,
An' some will give me cheese ;
An' oot an' in amang the folk,
I'll gaither the bawbees.
 
If beggin' be as good as trade
An' as I hope it may,
It's time that I was oot o' here
An' haudin doon the brae.
Footnote : A popular song during the Scottish folk Revival - this version is taken from Ford's 'Vagabond Songs'.
 

 


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus

Quantcast