Search just our sites by using our customised search engine

Unique Cottages | Electric Scotland's Classified Directory

Click here to get a Printer Friendly PageSmiley

THE BONNIE WELLS O' WEARIE
Alexander MacLagan

Come let us climb auld Arthur Seat,
When summer flow'rs are blooming;
When golden broom and heather bells
Are a' the air perfuming.
When sweet May gowans deck the braes,
The hours flee past fu' cheerie,
Where bonnie lassies bleach their claes
Beside the Wells o' Wearie!

Chorus:
The bonnie Wells o' Wearie!
The bonnie Wells o' Wearie!
Come let us spend a summer day
Beside the Wells o' Wearie!

The "Lily o' St. Leonards" there
Oft spent a sweet May morning,
Wi' gowans gay and sweet blue-bells
Her golden locks adorning.
And there the "Laird o' Dumbiedikes"
Aft gaed to woo his dearie,
And watch his fleecy flocks wi' care,
Beside the Wells o' Wearie!

Chorus:

There Scotland's Queen in stormy times
Forgot her saddest story;
There brave Prince Charlie led his clans
To deeds o' martial glory.
When Johnnie Cope, wi' a' his men
Were scatter'd tamplinteerie,
There Scotland's banner proudly waved
Beside the Wells o' Wearie!

Chorus:

Then let us hail auld Arthur Seat:
Like Scotland's rampant lion,
It tow'rs, a wonder o' the world,
The wildest storms defyin'.
Wi' dauntless front 'neath summer skies,
Or wintry blasts sae dreary,
It stands in peace or war to guard
The bonnie Wells o' Wearie!

Chorus:

O lang may bonnie lassies fair
Wi' Nature's charms around them,
Still bleach their claes on flow'ry braes,
Wi' nae sad cares to wound them!
Lang may her sons 'mid fairy scenes,
Wi' hearts richt leal and cheerie,
Still meet to sing their patriot sangs
Beside the Wells o' Wearie!

Footnote:  The ‘Wells o Wearie’ used to be at the southern end of Holyrood Park in Edinburgh. Arthur’s Seat, mentioned in the song, is near by and the Lily of St Leonard’s and the Laird in the 2nd verse are characters in Sir Walter Scott’s ‘Heart of Midlothian’. Alexander MacLagan was born in Perth in 1811 and was a plumber to trade – his song became one of the most popular in Scotland and is surely due a revival.

 

 


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus

Quantcast