Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

Click here to get a Printer Friendly Page


Wha hasna heard o’ Donal’ Don?
Wi’ a’ his tanterwallops on,
For Oh! he was a lazy drone,
An’ smuggled Hielan’ whisky. 

Hi-rum-ho for Donal’ Don,
Wi’ a’ his tanterwallops on,
And may he never lack a scone
While he maks Hielan’ whisky. 

When he first cam’ tae auld Dundee
‘Twas in a smeeky hole lived he;
Whaur gauger bodies couldna see,
He played the king a pliskie.

When he was young and in his prime,
He lo'ed a bonny lassie fine;
She jilted him an' aye sin' syne
He’s dismal, dull and dusky. 

A bunch o’ rags is a’ his braws
His heathery wig wad fricht the craws;
His dusky face and clorty paws,
Wad fyle the Bay o’ Biscay. 

He has a sark, he has but ane,
It’s fairly worn tae skin an’ bane,
A-loupin’, like tae rin its lane
Wi’ troopers bauld and frisky. 

Whene’er his sark’s laid out tae dry
It’s Donald in his bed maun lie,
An’ wait till a’ the troopers die,
Ere he gangs oot wi’ whisky. 

So here’s a health tae Donal’ Don,
Wi’ a’ his tanterwallops on,
An’ may he never lack a scone
While he maks Hielan’ whisky.

Footnote:  A Dundee song from Ford’s ‘Vagabond Songs and Ballads of Scotland’ (1899-1901).



This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus