Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

Click here to get a Printer Friendly Page

John Imlah

                                                Guid nicht, an joy be wi' you a',
                                                    Since it is sae that I maun gang;
                                                Short seem'd the gate to come - but ah!
                                                    To gang again is weary lang.
                                                Sic joyous nichts come nae sae thrang
                                                    That I sae soon sou'd haste awa,
                                                But since it's sae that I maun gae,
                                                    Guid nicht, an' joy be wi' you a'.
                                                This nicht I ween we've had the heart
                                                    To gar auld time tak' to his feet;
                                                That mak's us a' fu laith to part,
                                                    And aye mair fain again to meet.
                                                To dree the winter's drift an' weet,
                                                    For sic a nicht is nocht ava,
                                                For hours the minutes o' the sweet -
                                                    Guid nicht, an' joy be wi' you a'. 
                                                Our bald-pow'd daddies here we've seen
                                                    In younkers' revels fidging fain;
                                                Our gray-hair'd grannies here hae been
                                                    Like daffin' hizzies young again.
                                                To mony a merry, auld Scots strain,
                                                    We've deftly passed the time awa,
                                                We met in mirth, we part in pain,
                                                    Guid nicht, an' joy be wi' you a'.
                                                My nimble steed neighs at the yett;
                                                    My shoulders roun' the the plaid I throw;
                                                I've clapt the spur upon my buit,
                                                    The guid braid bonnet on my brow;
                                                The nicht is wearin' late I trow -
                                                    My hame lies mony a mile awa;
                                                The mair's the need to mount and go,
                                                    Guid nicht, an' joy be wi' you a'.
                                                Bring me the deoch an doruis gill,
                                                    'Twill licht a bouat in my e'e;
                                                Tho' mirk nae fear that I gang will
                                                    Drink doubly an' I'll doubly see.
                                                Young lads an' lasses, tent ye me,
                                                    As hame ye daunder twa an' twa,
                                                 Love guide your gait - blin' tho' he be -
                                                    Guid nicht, an' joy be wi' you a'.
Footnote : This song of parting after a night of revelry seems appropriate for Hogmany. The well known 19th century Aberdeen songwriter John Imlah was a fore-bear of one of the most popular singers and entertainers in the Scottish Folk Revival, the late Hamish Imlach.


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus