Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

Click here to get a Printer Friendly Page


If ye listen for a while, ma freens, I’ll tell ye a’ a story,
I’m just new frae a weddin’ o’ a chap ca’d Hieland Rory;
The bride’s name was Mary Morison, she looked a perfect lady,
She wore a wreath o’ roses and a bumbee tartan plaidie.

Then hurrah for the Hieland lads, long life tae Hieland Rory,
We sang as the moon cam’ oot an’ hame by Tobermory.
When we pairted on the shore, we a’ began a-reelin’,
Annie Laurie took us doon an’ bocht us Caller Herrin;.

Her faither wore a Rob Roy kilt tae match his Rob Roy tile hat,
O’ a’ the airts the wind can blaw, a Man’s a Man for a’ that.
The gudeman was Duncan Grey, the bridesmaid Maggie Lauder,
An’ when the knot was tied the piper played “Blue Bonnets owre the Border.”

Bonnie Mary o’ Argyll she looked sae neat an’ dandy,
“There’s a wee drap in the bottle yet,” roared oot Hieland Sandy.
Some says the deil’s deid an’ buried in Kirkcaldy,
Some says he’ll rise again and dance the Hieland Laddie.

“Get up an’ bar the door gudewife.” Roared Maggie Murphy’s faither,
There’s twa moons in the sky the nicht an’ there’s dew amang the heather,
But I got spoonin’ wi’ a little lass, they ca’ her Hieland Mary,
She bides wi’ Jock o’ Hazeldean on the road tae Inveraray.
“Stop your ticklin’ Jock,” she cried, “your chin’s as rough’s the heather;
Ye can gang the high road an’ I can gang the ither!”

The piper he got drunk, aye, before the dance was ready, oh,
We got a fiddler doon, aye, fae Robbie Tamson’s smiddy, oh,
The tune he played as weel’s I ken wis the Deil amang the Tailors;
There wis highs an’ hoochs an’ highs, till we a’ began a-reelin’. 

Footnote: From the singing of the great Portsoy-born Jimmy McBeath. An amusing wordplay on titles of tunes and songs – how many can you find? Suspect that the song started life in the music hall.



This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus