|Resolved that I wid leave the
I said tae farmer Brown;
The money that I've worked for,
Be kind as put it down.
In Glesca' toon at half-past three,
This very day I mean tae be ;
I've been ower lang a gawkie in the country.
For wi my big Kilmarnock bonnet,
When I ran tae catch the train;
I'll ne'er forget the mug that I
Was made by Sandy Lane.
He said, man Jock, when you arrive,
Just ask for Katie Bain
She stops in number eighteen street in Glesca'.
Noo, when I arrived in Glesca', freens.
The first chap I did meet;
I said, man, wid ye be as kind
As show me eighteen street.
Says he, d'ye think ye've got a mug,
Take that, an' struck me on the lug ;
An' said, my man ye"ll find yer match in Glesca'.
A bonnie lassie she cam' up,
Dressed in a stripped frock;
An' looked into my face an' said,
Hallo is that you Jock,
Ye're big Kilmarnock's aff the plumb,
Ye're gaun tae stand a glasso' rum;
Hoo lang dae ye intend tae bide in Glesca'.
The lass I treated an' asked the place,
She said she'd let me see ;
An' as for Kate Bane, she said,
She stops next door to me.
Says I, she kens ane Sandy Lane,
The lassie said, the very same !
Come on wi' me tae eighteen strest in Glesca'.
She introduced me tae her neebour,
But if she was Kate Bane ;
I only hope an' trust that I
Will ne'er see her again.
They left me wi my drawers an shirt,
My bonnet besmearred wi' dirt;
Tae wander through the muckle street o' Glesca.
But my sorrow wisna ended,
I had mair tae seek beside ;
The nicht being dark, an' me half drunk,
I tumbled in the Clyde.
They pulled me oot an' swore each yin,
They stood an' watched me jumping in,
An' got me thirty days in "quad" in Glesca