Doon yonder den there's a plooman lad
An' some simmer's day he'll be a' my ain.
An' sing laddie o, an' sing laddie aye,
The plooman laddies are a' the go.
I love his teeth an' I love his skin -
I love the verra cairt he hurls in.
Doon yonder den I coulda gotten a merchant,
Bit a' his stuff wisna worth a groat.
Doon yonder den I coulda gotten a miller,
Bit the smell o' dust widda deen me ill.
It's ilka time I gyang tae the stack
I hear his wheep gie the ither crack.
I see him comin' fae yonder toon,
Wi' a' his ribbons hingin' roon an' roon.
An' noo she's gotten her plooman lad,
As bare as ever he left the ploo.