As I cam' thro' yon rashie moor,
Fa spied I in my true love's door?
My hert grew sair an' my e'en grew blin'
Tae see my bonnie love leave me ahin'.
Oh, are ye gyaun, love, tae leave me noo,
Or will ye gyaun, love, tae leave me noo?
Wad ye forsake your former vow,
An' go wi' the one ye never knew.
As I gaed in by yon water wan,
The brig was broken at yon mill dam;
I bent my body an' took her through,
But alas, she's gone an' left me noo.
But as I gaed in by yon toon-en'
I saw anither did my love atten',
I took aff my hat an' said Ochone,
The best o' my well days is done.
But I will tell you the reason why -
She's got anither an' that's the wye,
An' I will tell the reason tee -
He has got more gold than me.
But if you love me, love, we'll never part
An' instead o' gold ye will get my heart;
Ye'll get my heart wi' richt guid-will,
Ye're a bonnie lass, an' I love ye still.
I bent my back unto an oak,
I thocht it was a trusty tree;
But first it bent and then it broke,
An' sae has my love done tae me.