The gaffer's looking worried,

The flett's a' in a steer,

Jessie Brodie's gettin' merried,

And the morn she'll no be here.

 

Chorus :

Hurrah, hurro, a daddie o,

Hurrah, herro, a daddie o,

Hurrah, hurro, a daddie o,

Jessie's gettin' merried o.

 

The helper and the piecer went

Doon the toon last nicht,

Tae buy a wee bit present

Tae mak' her hame look bricht.

 

They brocht a cheeny tea-set,

A chanty fu' o' saut,

A bonnie coloured carpet,

A kettle and a pot.

 

The shifters they're a' dancing,

The spinners singing tae,

The gaffer's standing watching,

But there's naething he can dae.

 

Here's best wishes tae ye, lassie,

Standing at yer spinning frame,

May ye aye hae full and plenty

In yer wee bit hame.

 

Ye'll no make muckle siller

Nae maitter hoo ye try,

But hoard ye love and loyalty,

That's what money canna buy