Search just our sites by using our customised search engine

Unique Cottages | Electric Scotland's Classified Directory

Click here to get a Printer Friendly PageSmiley

THE WEARY PUND O' TOW
Robert Burns

 
                                                                Chorus:
                                                                The weary pund, the weary pund,
                                                                The weary pund o' tow,
                                                                I think my wife will end her life
                                                                Before she spin her tow.
 
                                                                I bought my wife a stane o' lint,
                                                                As gude as e'er did grow;
                                                                And a' that she hae made o' that,
                                                                Is ae poor pund o' tow.
 
                                                                There sat a bottle in a bole,
                                                                Beyont the ingle lowe ;
                                                                And aye she took the tither souk,
                                                                To drouk the stourie tow.
 
                                                                Quoth I, for shame, ye dirty dame,
                                                                Gae spin your tap o' tow !
                                                                She took the rock and wi' a knock
                                                                She brak it o'er my pow.
 
                                                                At last her feet, I sang to see't -
                                                                Gaed foremost o'er the knowe;
                                                                And 'or I wad another jad,
                                                                I'll wallop in a tow.
 
 
Footnote : Robert Burns modelled this song on an older one with the same title. 

 


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus

Quantcast