Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

Click here to get a Printer Friendly Page

THE WEE, WEE GERMAN LAIRDIE
Traditional

Wha the deil hae we gotten for a King,
But a wee, wee German lairdie,
And when we gaed to bring him hame,
He was delvin in his yairdie.
He was sheughin kail, and laying leeks,
Wi'oot the hose and but the breeks,
An' up wi' his beggar duds he cleeks;
This wee, wee German lairdie.
 
And he's clapt doon in our guidman's chair,
The wee, wee German lairdie;
And he's brought fouth o' foreign trash,
And dibbled them in oor yairdie;
He's pu'd the rose o' English loons,
And broken the harp o' Irish clowns;
But oor thistle taps will jag his thooms -
This wee, wee German lairdie.
 
Come up amang oor Highland hills,
Thou wee, wee German lairdie,
And see how the Stewarts' lang-kail thrive
They dibbled in oor yairdie;
And if a stock ye dare to pu',
Or haud the yokin' o' a plough,
We'll brak your sceptre ower your mou',
Thou wee bit German lairdie.
 
Oor hills are steep, oor glens are deep,
Nae fitting for a yairdie;
And oor Norland thistles winna pu',
Thou wee bit German lairdie;
And we've the trenching blades o' weir,
Wad prune ye o' your German gear -
We'll pass ye 'neath the claymore's sher,
Thou feckless German lairdie.
 
Auld Scotland, thou'rt ower cauld a hole
For nursin' siccan vermin;
But the very dogs o' England's court
They bark and howl in German.
Then keep thy dibble in thy ain hand,
Thy spade but and thy yairdie;
For wha the deil now claims your land
But a wee, wee German lairdie.
Footnote : A Jacobite song poking fun at the Hanoverian King George I, who succeeded the last of the Stewarts, Queen Anne, daughter of King James VII and II. This  week marks the 258th anniversary of the entry, by ruse, of the Jacobite army into Edinburgh during the 1745 Rising.

Return to Sing A Sang At Least

 


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus

Quantcast