|
A CERTAIN LOCAL CHARACTER
FA SHALL REMAIN NAMELESS FOR OBVIOUS REASONS, WIS OOT IN THE INCHBROOM
WIDDIES GAUN ABOOT HIS ILLEGAL BUSINESS. THE POACHIN HAD BEEN GAUN WEEL
AS HE LOOKIT INTAE HIS BAG AND SEEIN’ A MIXED BAG O’ CONTRABAND. THIS
WIS FIN HE MADE THE FATAL MISTAKE O’ THE POACHER!. UNKNOWN TAE HIM THE
LAIRDIE’S GHILLIE HAD BEEN WATCHIN’ HIM FOR SOME TIME AND WIS NOO READY
TAE POUNCE ON HIM AND TAK HIM UP IN FRONT O’ THE LAIRD TAE FACE THE
MUSIC. CREEPIN UP ON THE UNSUSPECTIN’ VICTIM HE LET OOT THE GHILLIE’S
FAMOUS ROAR, “I’VE GOT YE”. WIR HERO NEARLY DROPPIT ON THE SPOT, BUT HE
KENT IT WIS NAE EESE RUNNIN’ AND THAT IT WIS A CLEAN COP. “RICHT MY LAD,
I’VE CATCHED YE AT LAST, I’VE WAITED FOR THIS FOR A LONG TIME BUT IT
WILL BE WORTH IT TAE SEE YER FACE FIN THE LAIRD GITS HIS HANDS ON YE. SO
ESCORTED BY THE GHILLIE BY THE SCRUFF O’ THE NECK THEY MADE THEIR WYE
TAE THE LAIRDIE’S HOOSE. EFTER BEIN’ HAULED INTAE THE HOOSE, THE LAIRDIE,
FA WIS NOO DANCIN‘ WI RAGE AND GLEE AT HAE’N AT LONG LAST CATCHED THE
LONG TERM SCOUNDREL SAT HIM DOON AND BEGAN TAE LECTURE HIM ABOOT
STEALING OTHER FOWKS PROPERTY. EFTER THE TIRADE WIS OWER THE BOLD LAD
SPOKE UP.”AND FA SAID THEY BELONGED TAE YOU”. THE LAIRDIE REALLY GOT ON
HIS HIGH HORSE THEN,”MY FOREFATHERS FOUGHT FOR THIS LAND AND ALL THE
RIGHTS THAT GO WITH IT” HE ROARED. "AH WEEL I’LL JIST TAK YOU OOT THE
BACK, AND WE CAN FAICHT FOR IT NOO” WIS THE QUICK RESPONSE FAE THE
SCALLYWAG. |
