She sat down below a thorn
Fine flowers in the valley
And there she has her sweet babe borne
And the green leaves they grow rarely.

Smile nae sae sweet, my bonnie babe
Fine flowers in the valley
An' ye smile sae sweet, ye'll smile me dead
And the green leaves they grow rarely.

She's ta'en out her little penknife
Fine flowers in the valley
And twinned the sweet babe o' its life
And the green leaves they grow rarely.

She howket a grave by the light o' the moon
Fine flowers in the valley
And there she's buried her sweet babe in
And the green leaves they grow rarely.

As she was going to the Church
Fine flowers in the valley
She saw a sweet babe in the porch
And the green leaves they grow rarely.

O sweet babe, an' thou wert mine
Fine flowers in the valley
I wad cleed thee in silk so fine
And the green leaves they grow rarely.

O mother dear, when I was thine
Fine flowers in the valley
You did na prove to me sae kind
And the green leaves they grow rarely.