WE'RE a' noddin', nid nid noddin',
O we're a' noddin' at our house at hame;
How's a'wi' ye, kimmer, and how do ye thrive?
And how many bairns hae yae now? Bairns I hae five.
An' are they a' at hame wi' ye? Oh, na, na;
For twa o' them's a hirdin' aye sin' Jamie gaed awa.
Granny nods i' the neuk, and fends as
she may,
And brags that we'll ne'er be what she's been in her day,
Vow ! but she was bonnie, and vow ! but she was braw;
And she had routh o' wooers ance, I'se warrant, great and sma'.
And we're a' noddin', etc.
Weary fa' Kate, that she binna nod too;
She sits in a corner suppin' a' the broo;
And when the bit bairnies wad e'en hae their share,
She gies them the ladle, but ne'er a drap's there.
For she's aye suppin'.
Now fareweel, kimmer, and weel may ye
thrive,
They say the French are rinnin' for't, and we'll hae peace belyve ;
The bear's i' the breer, and the hay's i' the stack,
And a' will be right wi's, Jamie were cum back.
For we're a' noddin', nid nid noddin',
And we're a' noddin' at our house at hame.
