Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

Songs by the Baroness Nairne
Caller Herrin'


WHA'LL buy my caller herrin' ?
They're bonnie fish and halesome farin' ;
Wha'll buy my caller herrin',
New drawn frae the Forth ?

When ye were sleepin' on your pillows,
Dream'd ye aught o' our puir fellows,
Darkling as they fac'd the billows,
A' to fill the woven willows ?
   Buy my caller herrin',
   New drawn frae the Forth.

Wha'll buy my caller herrin' ?
They're no brought here without brave daring ;
Buy my caller herrin',
Haul'd thro' wind and rain.
   Wha'll buy my caller herrin' ? &c.

Wha'll buy my caller herrin' ?
Oh, ye may ca' them vulgar farin',
Wives and mithers maist despairing
Ca' them lives o' men.
   Wha'll buy my caller herrin' ? &c.

When the creel o' herrin' passes,
Ladies, clad in silks and laces,
Gather in their braw pelisses,
Cast their heads and screw their faces.
   Wha'll buy my caller herrin' ? &c.

Caller herrin's no got lightlie,
Ye can trip the spring fu' tightlie,
Spite o' tauntin', flauntin', flingin',
Gow has set you a' a-singing.
   Wha'll buy my caller herrin' ?&c.

Neebour wives, now tent my tellin',
When the bonny fish ye're sellin',
At ae word be in ye're dealin'
Truth will stand when a'thing's failin'.

Wha'll buy my caller herrin' ?
They're bonnie fish and halesome farin'.
Wha'll buy my caller herrin',
New drawn frae the Forth?


Return to Book Index Page

Search