Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

Poetry
The Wee Cooper o' Fife
Anon


There was a wee Cooper wha leeved in Fife
Nickety, Nackety, noo, noo, noo,
And he had gotten a gentle wife,
Hey Willy Wallacky, hoo John Dougal,
Alane, quo' Rushity, roue, roue, roue.

She wadna bake, nor she wadna brew,
Nickety, Nackety, noo, noo, noo,
For the spoiling o' her comely hue,
Hey Willy Wallacky, hoo John Dougal,
Alane, quo' Rushity, roue, roue, roue.

She wadna card, nor she wadna spin,
Nickety, Nackety, noo, noo, noo,
For the shamin' o' her gentle kin,
Hey Willy Wallacky, hoo John Dougal,
Alane, quo' Rushity, roue, roue, roue.

She wadna wash, nor she wadna wring,
Nickety, Nackety, noo, noo, noo,
For the spoiling o' her gowden ring,
Hey Willy Wallacky, hoo John Dougal,
Alane, quo' Rushity, roue, roue, roue.

The Cooper has gane to his woo' pack,
Nickety, Nackety, noo, noo, noo,
And he's laid a sheep's skin on his wife's back,
Hey Willy Wallacky, hoo John Dougal,
Alane, quo' Rushity, roue, roue, roue.

"It's I'll no thrash ye for your gentle kin",
Nickety, Nackety, noo, noo, noo,
"But I will skelp my ain sheep's skin",
Hey Willy Wallacky, hoo John Dougal,
Alane, quo' Rushity, roue, roue, roue.

"Oh I will bake and I will brew",
Nickety, Nackety, noo, noo, noo,
"And nae mair think o' my comely hue",
Hey Willy Wallacky, hoo John Dougal,
Alane, quo' Rushity, roue, roue, roue.

"Oh I will card, and I will spin",
Nickety, Nackety, noo, noo, noo,
"And nae mair think o' my gentle kin",
Hey Willy Wallacky, hoo John Dougal,
Alane, quo' Rushity, roue, roue, roue.

"Oh I will wash, and I will wring",
Nickety, Nackety, noo, noo, noo,
"And nae mair think o' my gowden ring",
Hey Willy Wallacky, hoo John Dougal,
Alane, quo' Rushity, roue, roue, roue.

A' ye wha ha'e gotten a gentle wife,
Nickety, Nackety, noo, noo, noo,
Just main' ye the wee Cooper o' Fife,
Hey Willy Wallacky, hoo John Dougal,
Alane, quo' Rushity, roue, roue, roue.


Return to our Poetry Index Page