Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

John's Scottish Sing-Along


The Muckin O Geordie's Byre

Listen to the song here if it doesn't play automatically
The song will play in a new window allowing you to follow the words as you listen to the song.

Sung by Ewan McColl

In a lea-rig auld croft ayont the hill,
Jist roon the neuk frae Sprottie's Mill,
Tae aa his life the time to kill
Lived Geordie MacIntyre.
He hid a wife as sweir as himsel,
A dochter as black as Old Nick is in Hell.
There wis plenty o fun, awa at the smell
At the muckin' o' Geordie's byre.

Whaur the graip wis tint, the besom wis deen,
The barra it widnae row its leen,
An siccan a sawcer as ivver wis seen
As the muckin o Geordie's byre.

The dochter hid tae strae a neep.
The auld wife stairted to swipe the greep,
Whan Geordie fell sklite on a rotten neep
At the muckin' o' Geordie's byre.
Ben the greep cam' Geordie's soo
An she stood up ahint the coo.
The coo kick-ed oot an och, fit a stew
At the muckin o Geordie's byre

Whaur the graip wis tint, the besom wis deen,
The barra it widnae row its leen,
An siccan a sawcer as ivver wis seen
As the muckin o Geordie's byre.

The auld wife she wis booin doon.
The soo was kick-ed oan the croon
An shoved her heid in the wifie's goon
An ben through Geordie's byre.
The dochter cam frae the barn door
An seein her mither, let oot a roar.
Tae the midden she ran an fell ow'r the boar
At the muckin o Geordie's byre.

Whaur the graip wis tint, the besom wis deen,
The barra it widnae row its leen,
An siccan a sawcer as ivver wis seen
As the muckin o Geordie's byre.

The boar he louped the midden dyke
An ower the rigs wi Geordie's tyke.
They baith ran intae a bumbie's bike
At the muckin o Geordie's byre.
The cocks an hens began tae craw
Whan biddie astride the soo they saw.
The Postie's sheltie it ran awa
At the muckin o Geordie's byre.

Whaur the graip wis tint, the besom wis deen,
The barra it widnae row its leen,
An siccan a sawcer as ivver wis seen
As the muckin o Geordie's byre.

A hunder years hae passed an mair.
Whaur Sprotties was, the hill is bare.
The croft's awa so ye'll see nae mair
The muckin o Geordie's byre.
His fowks are deid an awa lang syne,
Sae in case his memory ye shid tyne
Jist whistle this tune tae keep ye in mind
O the muckin o Geordie's byre.

Whaur the graip wis tint, the besom wis deen,
The barra it widnae row its leen,
An siccan a sawcer as ivver wis seen
As the muckin o Geordie's byre.


Return to John's Scottish Sing-Along Index Page