Search just our sites by using our customised search engine
Unique Cottages | Electric Scotland's Classified Directory

Click here to get a Printer Friendly PageSmiley

The Tinkler's Cuddie
W D Cocker
Read by
Peter D Wright

Click here to listen to this in Real Audio read by Peter D Wright

                                        The tinkler's cuddie took the strunts
                                            An' deil an inch would steer;
                                        His hurdies tholed baith skelps an' dunts,
                                        His lugs were deeved by sic affronts
                                            It scunnered him to hear.
                                                But he kicked an' flang
                                                An' wouldna gang,
                                            Was ever beast sae sweer?
                                        The tinkler was an angry man,
                                            An' ill could thole defeat;
                                        He banged the brute wi' pot an' pan,
                                        He thocht on ilka cruel plan --
                                            For, O' revenge is sweet,
                                                His brats o' weans,
                                                They pu'ed the reins,
                                        His wife was like to greet.
                                        Auld, hirplin' tinkler granny said,
                                            "That's no' the wey ava,
                                        He'll no be driven or be led,
                                        This tirrivee that's ta'en oor Ned,
                                            It whiles comes ower us a'.
                                                Nae licks or dunts
                                                Can cure the strunts
                                        When brutes or buddies thraw".
                                        Fornenst his neb a carrot held,
                                            Syne garred the cuddie gang;
                                        His thrawn, rebellious he'rt was quelled,
                                        The offerin' o' peace he smelled,
                                            Nor could resist it lang.
                                                Kindness is aye
                                                The better wey
                                        When beasts or folk gang wrang.

Return to Poetry/Quotes/Stories


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus