Fife Veesit 2000
Fir Clan Miles
by Peter D Wright

Listen to this poem in Real Audio here!

Tho a dreich ouk-end fir yir furst veesit,
It wis gryte fir ti see ye in “sunnie” Fyfe,
Slaisterin throu teemin rain, dubs an myre,
Fair addit ti the glamourie o lyfe !

At Noo Bayview oan a course Setterday,
As the heich watter dung owre the sie wa,
We watchit The Fyfe caw i the goals,
As the win keppit blawin the baw awa !

Sanct Andras,Anster, Pittenweem,Tentsmuir,
The weet wather didna stop ye seean the sichts,
An Daisy an Tim wairm i thair Tartan jammies,
Tholed the cranreuch cauld o the Scottish nichts.

Gled at ye wan hame aw richt ti Nelson,
Naen the waur o the cauld Scottish blaw,
Neist yeir we suid in faur better wather,
Cum fir ti see ye, allotments, hens an aw !

4 November 2000

Clan Miles
Laurence, Debbie and twins Tim & Daisy
at their allotment in Nelson Lancs 2001

Peter D Wright