Search just our sites by using our customised search engine
Unique Cottages | Electric Scotland's Classified Directory

Click here to get a Printer Friendly PageSmiley

Granny's Garden
George P Dunbar

Click here to listen to this in Real Audio read by Marilyn Wright

Oh, weel yet div I min' on't
In days lang, lang gane bye,
The dear aul' ramblin' gairden
Sae clear in memory's eye;
There a' jist mixter-maxter
The sweet aul' favourites grew,
The roses an' the aul' maids' pride,
Rosemary, thyme an' rue.
The honeysuckle clim't the wa',
An' aye at early morn
A guff o' sweetness creepit in
Tae tell o' day new-born;
An' through it a' was marjoram,
Fite bells an' mappie-moo,
An' mony ithers dear tae me
O' ilka shade an' hue.
Anaith the thrawn aul' aipple tree
The aul' fowk aft wad sit,
An' grandad there wad smoke an' dream,
An' granny eest tae knit;
They were pairt o' that aul' gairden,
An' tho' lang since awa'
They linger fondly in my he'rt,
The best lo'ed o' them a'.

Return to Poetry/Quotes/Stories


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus