Hurcheon
by J K Annand
Click here to listen
to this in Real Audio read by Peter D Wright
Hurcheon, hurcheon,
Huntin in the gloamin,
Snowkin in the hedge-fute,
Never dune roamin.
Slugs ye think a tasty bite,
Beetles quite a treat,
Rotten eggs are kitchin to
The orra things ye eat.
Naebody can meddle ye
Until he learns the knack
O joukin aa thae jaggy spikes
Ye growe upon your back.
