Search just our sites by using our customised search engine
Unique Cottages | Electric Scotland's Classified Directory

Click here to get a Printer Friendly PageSmiley

The Maister and the Bairns
William Thomson

Click here to listen to this in Real Audio read by Peter D Wright

The Maister sat in the wee cot hoose
By the Jordan's waters near,
An' the fisherfolk ctushed an' crooded roon'
The Maister's words tae hear.
An' even the bairn's frae the near-haun streets
Were mixin' in wi' the thrang,
Laddies an' lassies wi' wee bare feet
Jinkin' the crood amang.
But yin o' the twal' at the Maister's side
Rose up and cried alood:
'Come, come, bairns, this is nae place for you,
Rin awa' hame oot the crood.'
But the Maister said as they turned awa',
'Let the wee yins come tae Me'.
An' he gaithered them roon' Him whaur He sat
An' lifted yin on His knee.
Ay, He gaithered them roon' Him whaur He sat
An' straiked their curly hair,
An' He said tae the wonderin' fisherfolk
That crushed an' crooded there:
'Send na the bairns awa' frae Me
But raither this lesson lairn:
That nane'll win in at Heaven's yett
That hisna the hert o' a bairn.'
An' he that wisna oor kith or kin
But a Prince o' the Far Awa',
He gaithered the wee yins in His airms
An' blessed them yin an'a'.

Return to Poetry/Quotes/Stories


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus