Search just our sites by using our customised search engine
Unique Cottages | Electric Scotland's Classified Directory

Click here to get a Printer Friendly PageSmiley

The Sidlaw Hills
by R Ford


The Sidlaw Hills

                                There's nae hills like the Scottish hills
                                    'Mang a' that rise and fa',
                                The Lowthers and the Grampions,
                                    Sae buirdly and sae braw ;
                                The Pentlands and the Ochils,
                                    Sae comely aye to see, -
                                O' a' the hills o' Scotland still,
                                    The Sidlaw Hills for me.
                                An' why sae dear the Sidlaws ?
                                    Ah, that's the tale to tell ;
                                It's no' their buik, - though a' in ane
                                    They wadna match Goatfell.
                                They wadna mak Ben Nevis,
                                    Though biggit three on three,
                                Yet Goatfell nor Ben Nevis
                                    Is hauf sae dear to me.
                                Oh. I can leave Ben Nevis,
                                    Nor feel a partin' pang ;
                                Goatfell, too, and Ben Lomond,
                                    Sae bauld the hills amang ;
                                But aye my heart gaes dunt for dunt,
                                    Whaurever I may be,
                                If ane but names the Sidlaws,
                                    The hills o' hame, to me.
                                Ilk' time we cross the Ochils
                                    My e'e darts ower Strathmore -
                                It's first Kinnoull, then Murray's Ha',
                                    Syne ithers hauf a score ;
                                Dunsinnan and Kinpurnie,
                                    And a' sae fair to see :
                                They're wee bit knowes the Sidlaws,
                                    But, oh, they're dear to me.
                                They're dear to me for mony ties
                                    My heart will never tyne,
                                For sichts an' soun's their very thocht
                                    Reca's frae auld lang syne.
                                O' those wi' whom I speil'd their broos
                                    Bare-leggit to the knee,
                                An' but to clasp their han's again
                                    There's nocht I wadna gi'e.
                                Then sing's ye like o' ither hills,
                                    And a' their glories tell,
                                The Lowthers an' the Grampions,
                                    Ben Nevis an' Goatfell ;
                                But dinna ferlie though I sit
                                    An' never lift an e'e :
                                They're wee bit knowes the Sidlaws,
                                    But, oh, they're dear to me.

Return to Poetry/Quotes/Stories


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus