BONNIE GEORGE CAMPBELL

BONNIE GEORGE CAMPBELL
Traditional

High upon Hielan's and laigh upon Tay,

Bonnie George Campbell rade oot on a day,

Saddled and bridled, sae gallant tae see,

Hame cam' his guid horse but never cam' he.

Saddled and bridled and booted rade he,

A plume in his helmet, a sword at his knee.

But doon cam' his saddle a' bluidy tae see,

Hame cam' his guid horse but never cam' he.

Doon ran his auld mither greetin' fu' sair,

Oot ran his bonnie bride reivin' her hair.

"My meadow lies green and my corn is unshorn

My barn is tae big and my babe is unborn."

High upon Hielan's and laigh upon Tay,

Bonnie George Campbell rade oot on a day.

Saddled and bridled, sae gallant tae see,

Hame cam' his guid horse but never cam' he.

Footnote : This song appeared in Smith's 'Scottish Ministrel' 1820-1824 - but there is no identification of George Campbell, however, he obviously with met a sticky end, leading to this lament.