KENMURE'S ON AND AWA', WILLIE
by Robert Burns
O Kenmure's on and awa,
O Kenmure's on and awa:
An' Kenmure's lord's the bravest lord
That ever Galloway saw.
Success to Kenmure's band, Willie!
Success to Kenmure's band!
There's no a heart that fears a Whig,
That rides by kenmure's hand.
Here's Kenmure's health in wine, Willie!
Here's Kenmure's health in wine!
There's ne'er a coward o' Kenmure's blude,
Nor yet o' Gordon's line.
O Kenmure's lads are men, Willie,
O Kenmure's lads are men;
Their hearts and swords are metal true,
And that their foes shall ken.
They'll live or die wi' fame, Willie;
They'll live or die wi' fame;
But sune, wi' sounding victorie,
May Kenmure's lord come hame!
Here's him that's far awa, Willie!
Here's him that's far awa!
And here's the flower that I loe best,
The rose that's like the snaw.
Footnote : A Jacobite song by
our National Bard to commemorate both the anniversary of
the death of Robert Burns (21 July 1796) and the landing
of Prince Charles Edward Stewart, 'The Young Pretender',
on Eriskay with seven companions (23 July 1745). The song
is in honour of William Gordon, Viscount Kemmure, who was
beheaded on Tower-hill, London, England, for his part in
the 1715 Jacobite Rising.
Sing A Sang At Least