Search just our sites by using our customised search engine
Unique Cottages | Electric Scotland's Classified Directory

Click here to get a Printer Friendly PageSmiley

A Man's A Man For A' That

Is there for honest poverty
That hangs his head and a' that?
The coward slave, we pass him by
We daur be puir for a' that.
For a' that, and a' that
Our toils obscure, and a' that
The rank is but the guinea's stamp
The man's the gowd for a' that.

Ye see yon birkie ca'd a lord
Wha struts, and stares and a' that
Tho' hundreds worship at his word
He's but a coof for a' that.
For a' that, and a' that
His ribbon, star and a' that
the man o' independence mind
He looks and laughs at a' that.

A king can make a belted knight
A marquis, duke and a' that
But an honest man's aboon his micht
Gude faith, he maunna fa' all that
For a' that, and a' that
Their dignities and a' that
The pith o' sense and pride o' worth
Are higher ranks than a' that.

Then let us pray that come it may
As come it will for a' that
That sense and worth o'er a' the earth
May bear the gree and a' that
For a' that, and a' that
It's coming yet, for a' that
When man to man the world o'er
Shall brithers be for a' that.

<BGSOUND SRC="mansaman.mid">


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus