|
[Wirds pit
thegither bi DDJ oan 10th December, 2005, to the sang 'There's
No Place Like Home'.]
Ay a weilcam lads noo ye've cam hame,
Aiblins weerit an wissin bittie rist.
Ye've hid muckle sail ow'r frae Roth'say Bay's,
Sauty weet an hingin mist.
The wee jigs ye hiv birl'd an skirl'd
Thit mak maist heids syne twirl,
Hiv exerceesed ye an a yer freens,
Faur frae cauld Dandee an hame.
Guid ye'll feel to be back hame,
Syne tired an needin yer bein kip.
Hiv a sweel ahin nicht dram,
Tak tent noo, jist ain nip.
Thon shid quait yer nervs sae fan aifter
Whitivver ye mey ging an dream,
Its gled wee sang it'll belike be
Thur is jist nae place lik hame.
Ay, maistly belike thit its gled wee sang, wull be,
Thur is nae place nar lik hame.
Ay guid weilcam lads ye've cam hame,
Aiblins weerit an wissin bittie rist.
Ye've hid muckle sail ow'r frae Roth'say Bay's,
Sauty weet an hingin, sae mingin mist.
The wee jigs ye hiv birl'd an skirl'd
Thit mak maist heids syne fest ging twirl,
Hiv exerceesed ye an a yer freens,
Faur frae cauld Dandee an hame.
Graun ye fun its bein hame,
Tho' weer't an wintin foarty-winks.
Hivin droothy nicht-cap an richt seen,
Afore yer heid oan pillas sinks.
It micht luft yer speerits, sae aifter,
Gin ye shid fyles gang toss-tirn,
It is aye belike thit yer harns sang wull be ,
Thur is na place nar lik hame.
Och ay, maist belike sang ye chirm is,
Thur is nae place nar lik hame.
Thur is nae place nar lik hame
Naw, naewhaur baets hame! |
