|
Lyrics composed by
John Henderson on 4th February, 2006,
to L. Ray's tune to the 1913 song, 'The Sunshine of Your Smile'.
Short Introduction
Sula she taps the tows fowk's hairts lik oors,
Fan nar tae us she hauds us i' her pooers.
We ken nae leuks thit ither dugs hiv gien,
Sich as thon sheen oot o' braw Sula's een.
She keps us saff, frae sherpness i' her lugs,
An' she's aye waarm an' thenkfu tae oor hugs.
Nae dug o' oors e'er shaw'd sich tentin teen,
Lik divs gleg Sula, aipple o' a' oor een.
Brief Interlude
Dool days micht cam syne tae oor veelage hoose,
Makin a' oor hairts bide onythin' bit douce.
Fyle thon weers oan an' dairk shaddas maun fa',
Sula bides a blessin, graun easedom tae a'.
She keps us saff, frae sherpness i' her lugs,
An' she's aye waarm an' thenkfu tae oor hugs.
Nae dug o' oors e'er shaw'd sich tentin teen,
Lik divs gleg Sula, aipple o' a' oor een.
|
