Search just our sites by using our customised search engine

Unique Cottages | Electric Scotland's Classified Directory

Click here to get a Printer Friendly PageSmiley

Fermers Maun Thole

Lyrics composed by John Henderson on the 16th of May, 2009,
to Walter Smith's 1917 music for 'Dreamy Moon'.

Mochie rime hung ow'r Langrigg Ferm,
The lift wi dairk cloods wis gey drumly grey;
The hulls' taps tee wur aa fite wi snaa,
Och 'twis a dreich an dour kinna day. .......
Cauld oorlich sheep syne thegither seen creeng'd,
Gowpin kye, dool-lik thrang'd;
Tam Forrest stapp'd wirk an chappit his hauns
Tae bid sherp freests, "Gang"!

Bit aince snaa hid begoud its fa,
It pooder'd licht wi the air nae sae snell;
Coorse wins spang'd up fyle dreefts seen grow'd;
Sich wintry stangs wur affen fell.
Syne Fermer Tam teuk guid tent o' his sheep,
Penn'd them saaf, reef'd an aa;
Neist pumphel'd aa o' his coos in the close,
Guid cogs fur ilk maw.

Reyn, freest, win, snaa ... fermers maun thole;
There's ne'er a winter wi'oot sich ava;
Bit oan hull riggs wedder's aye warst,
An simmers' sins gey fyow an aa.

Return to John's Poetry Page


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus