[Lyrics composed by John Henderson on the 1st of February, 2010,
to Albert Von Tilzer's music for the song 'Down Where The Swanee River Flows'.]

YOUTHHEID FREEN JIMMY SPIKS TAE JOCK ....
"Wud ye like tae wanner ben, the meers an dells ye ees'd tae ken?
Losh wud thon nae be jist the graunest thing ye've deen-fur-years? ....
There's the bonnie hedder bells, oan the braes o braw Campsie Fells,
Whaur the yowes an the rams are aye grazin fyle thur, hogs loup up an doon;
Maun ye retirn tae fremmit pairts,
An aince mair brak Scottish hairts ?
..... .....
As ye leuk whaur thon river rins, aye wimplin gytely
Alang the Carse whaur guid craps stan fell wedder's girns,
Hoo can ye thole tae-ging ?
Yir ainly brither Tam maun-tak-tent-o yir auld mam,
Howkin the airth fyle ye ludge-oan wi UNCLE SAM ! ...
Div ye nae hear yir doolsome mither?
Dis aa her greetin nae jist mak ye shiver?"

JOCK REPLEES TAE YOUTHHEID FREEN JIMMY ....
"Och ay, I wis aulest an nane stapp'd me
Frae gaen awa ... tae ... the USA, .... ....
Bit I'm nae bidin here e'en I hear yir plea
Ma fem'ly noo is there sae faur awa wye ow'r the sea ...
An thon's whaur ae day I wull dee."