Lyrics composed by John Henderson on the 9th of March, 2011,
to Harry Von Tilzer's 1902 music for the song, 'On A Sunday Afternoon'.

INTRODUCTORY MUSIC

[Dan sings ....]

Come awa! Come awa! noo the gress is green;
We wull waak, we wull talk, till the sin his geen;
Tae the mune, we'll baith croon, an syne sit us doon,
Fur June ye're ma dearie, o' wham I'll ne'er weary, sae dinna froon-froon !

Fur I wint tae mairry ye,
Aye sae happy ye cud be;
Suin I'll spik tae yir Faither, an yir Mam tee
O' ma wisses an fon' howps o' waddin ye;
Gif ye'll gree tae mairry me,
Losh hoo happy I wid be;
Ye're sae bricht an pretty,
I loo ev'ry bit-ye;
A braw wife ye'll mak tee!

Fur I wint tae mairry ye,
Aye sae happy ye cud be;
Suin I'll spik tae yir Faither, an yir Mam tee
O' ma wisses an fon' howps o' waddin ye;
Gif ye'll gree tae mairry me,
Losh hoo happy I wid be;
Ye're sae bricht an pretty,
I loo ev'ry bit-ye;
A braw wife ye'll mak tee!


SHORT MUSICAL INTERLUDE

[June sings ....]

Och guid man, ma braw Dan, yir howps are mine tee;
Let's nae waak, let's nae talk, bit haud me tae ye;
Here an noo, bill-an-coo, fur ye I dae loo;
Ye tee are ma dearie, o' wham I'll ne'er weary, noo kiss me, do-do! "

[Mr Eaves Dropper sings to himself ....]

They gaed aff an mairrit suin
In the wee kirk doon the toon,
An in twa years they'd twa bairns, anither boon,
Ay thur howpin an ilk's wiss, brocht bliss aa roon;
An nae ne'er a grumpy froon,
The twins hud them ow'r the mune;
Baith sae bricht an frisky
Bit ne'er ower plisky
Whilk aye plees'd Dan an June.

They gaed aff an mairrit suin
In the wee kirk doon the toon,
An in twa years they'd twa bairns, anither boon,
Ay thur howpin an ilk's wiss, brocht bliss aa roon;
An nae ne'er a grumpy froon,
The twins hud them ow'r the mune;
Baith sae bricht an frisky
Bit ne'er ower plisky,
Whilk aye plees'd Dan an June.