Search just our sites by using our customised search engine

Unique Cottages | Electric Scotland's Classified Directory

Click here to get a Printer Friendly PageSmiley

Oot Faar I Sit

Lyrics composed by John Henderson on the 2nd of December, 2011,
to Victor Herbert's 1904 music for the song, 'Kiss Me Again'.

gowden=golden; sin=sun; weer=fade; meer=moor
sweertily=lazily; fantly=faintly; bale-fire=bonfire

Gloamin's braw licht
Gowden an bricht
Sin drappin slawly fae sicht
Shaddas thit weer
Ower ilk meer
Till bleck an seelent's the nicht

Bit syne ere lang
Soonds o' a sang
Dreeft upwuth wauk'nin the mune
Sweertily ay
It clims up, up, up in the sky
Fantly sheenin aroon

Starns jyne in seen
Hearin the teen
'Tho licht years fae Airth ilk swings
Wyse ools syne hoot
An mice they scoot
Fyle birds' heids bide ooner wings

Oot faar I sit
Wi bale-fire lit
Ma myn's ee traivels oor wirl
Faar it is morn
Faar nae yit dawn
Till ma heid sterts tae birl !

Return to John's Poetry Page


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus