Search just our sites by using our customised search engine

Unique Cottages | Electric Scotland's Classified Directory

Click here to get a Printer Friendly PageSmiley

Bessie An' MaryAnne

A slight parody by John Henderson, on the 14th of October, 2012,
of Robert Gilfillan's 1831 lyrics for 'Of Bessy Bell An' Mary Gray'
that he composed to the tune, 'My Love, She's But A Lassie Yet'.

Of a Bessie an' a MaryAnne
Wha hasna heard, wha hasna sung ?
Baith bonnie—but it's mony a day
Sin' they were blooming, fair, an' young.

Ae lass, gude sooth, is plenty O,
For ony douce an' sober man ;
Yet, although I'm baith, I've gatten twa,—
My Bessie an' my MaryAnne.

O ! Bessie is a bonnie lass.
As e'er gaed barefit through a glen ;
I'd toast her in anither glass.
Though I before had tippled ten :

E'en, after that, I'd aiblins brew,
Did strength permit, anither can,
An' drink to—Bessie ?—no !—to you,
My bonnie blue-e'ed MaryAnne.

Och I think on Bessie a' the day,
An' I dream o' MaryAnne at night :
My Bessie's the sun's brightest ray
Fyle Mary Ann is pale moonlight.

How happy could I be wi' baith,
Or either, as the auld sang sings ;
But, as it is, I'll tak my aith.
Nor day nor night me gladness brings.

My Bessie is the blushing rose
That in the valley blooms sae fair ;
MaryAnne's a wild rose that aye grows
'Mang sweetest flowers, the sweetest there-.

My Bessie fair, for you I'd dee.
My face, you see, is pale an' wan ;
But I maun live, to gaze a wee
On bonnie blue-e'ed MaryAnne !

Return to John's Poetry Page


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus