Search just our sites by using our customised search engine

Unique Cottages | Electric Scotland's Classified Directory

Click here to get a Printer Friendly PageSmiley

The Strushie


[The Disturbance]

Lyrics composed by John Henderson on the 24th of January, 2004,
to part of a tune called, 'Gairloch Waltz'.

Fan the sin drapp'd 'hint his snoot,
Lomond Ben wi'oot a doot
Howp'd pirr-winnies thraw the nicht
Seen his broo wud dicht.
Bit he loodly mean'd as gif tae say,
"Losh it's been a lang-thrang day;
Climers stompin' up an' doon
Upoan ma eildit croon!"

Lomond Loch, his narby freen,
Hard Ben's gant an' fit'd been deen,
Gled at least thit he cud kirn,
An' cowp boaties in.
Syne he bicker'd rauchly tae the wids,
An' the hoolets in thur midst,
"Soond yer hoots faar rattins creep
An' bid them strush fowks' sleep."

Lomond Ben syne fu' o' glee,
Jilpit aff a shoo'r o' scree,
Whilk sent furats oot an' in
Gnappin' banes an' skin.
Ools' 'To-Wit-To-Woos' kept up the ficht,
As feart chiels fleed left an' richt,
Fyle freen Loch in sheer delicht
Bid aabody, "Guid Nicht!"

Glossary:
sin=sun; 'hint=behind; snoot=summit; seen=soon; pirr-winnies=breezes; dicht=wipe;
mean'd=moaned; thrang=busy; eildit=aged; narby=near by; gant=complaint;
kirn=churn-up (the water); bicker'd rauchly = moved quicky and noisily; hoolets/ools=owls;
rattins=rats; strush=disturb; jilpit=spilled; scree=loose stones; furats=weasels; gnappin'=biting.


Return to John's Poetry Page


 


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus

Quantcast