Search just our sites by using our customised search engine

Unique Cottages | Electric Scotland's Classified Directory

Click here to get a Printer Friendly PageSmiley

Jake An' Jill

Lyrics composed by John Henderson on the 11th of February, 2013,
to Dick Kessner's playing of the chorus of Gus Edwards' 1904 music
for the song, 'I'll Be With You When The Roses Bloom Again' ......
or, Kessner's version.... 'I'll Be With You When The Roses Bloom In Spring'.

spik=speak; yestreen=last night; meen=moon; sheen=shine; teen=tune;
tap=touch; hert=heart; brobs=pricks; derts=darts; raise=excite; myns=minds;
een=eyes; oor lane=alone; fain=willing; canty=cheery; histy=hasty; bide=stay.

Jake spiks,
"Weel we dinced ilk waltz an' jig an' reel yestreen,
Fan the meen an' spirklin' starns oan us did sheen;
Fyle the teens thit tapp'd oor herts, an' the brobs frae Cupid's derts,
Seen brocht luve tae raise oor myns an' een.
We cud waak this e'en an' sik tae be oor lane,
Han' in han' alang the san' gif ye are fain,
An' syne chat, an' jeest an' sang; e'en a kiss wudna ging wrang
Fan nae fowks bit us wud ken fit we'd been daen!"

Jill spiks,
"Ay we dinced fair weel an' ye wur guid tae me,
Fyle the teens, meen an' the starns wur canty tee;
A wee waak doon by the sea, airm in airm wud pleesint be,
Bit nae kissin' yit gif ye wull gree?"

Jake spiks,
"Fit ye weesh braw Jill is guid eneuch fur me,
An' I'll lern nae ower histy I shud be;
Bit gif ye wull be ma freen, 'tho a verra speeshal freen,
We syne aye shud as pals-bide ...... maist happily."

Return to John's Poetry Page


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus