Search just our sites by using our customised search engine
Unique Cottages | Electric Scotland's Classified Directory

Click here to get a Printer Friendly PageSmiley

Graham Donachie's Stories
A Man Alone

Och ye sae worthless o’ heroic note,
that ye be nameless on this dreary field,
nae ain kens whar ye cam fae,
nor fae ye, o’ your name
I canna yield..

Ye speak a strange an’ foreign eastern tongue,
an stinky smell fae ye cams ower my nost’
awa’ staun elsewhar,
an’ tak up wi’ sic’ a scunner lot
as Nick’s vile host..

Nae clan hae ye and useless dae ye staun,
as if we needed such as ye within oor ranks,
nae philabeg forfochen ‘roon yer knees,
o’ useless fart ..exuded fae between
auld withered shanks..

Gang awa fae oor battle lines drawn up.
this day, we face across Drummossie muir,
the iron-eyed,
Gang ye back...tae yer cheap
an’ poxy Dundee ‘hoor..

We’ll win this day within oor northland mist.
The victorie is sure for us nae doot...
but look !!..yon British cannon wreakin’ hellish death,
an’ me..struck doon by grapeshot....
Gie me yer haun guid freen’’ turn aboot....

................... ..

The guid lord hae mercy on yer westryn soul,
as bleeding... ye will niver ken again
the joys o’ highland bare arsed charge,
for ye get paler by the meenit,
far fae yer heather glen..

I niver will be seen in the Romance way
as you ..wha lies upon death’s open door.
I’m jist a loon wi’ keen edged scythe,
cam’ tae fecht for honour’s sake
‘mangst this gore...

I’m fae common as they come,
fae mirky toun as high tap La’,
but I will gether ye intae my airms
ye dying clansman...
an’ bear ye fae redcoated murder, far awa.

An' niver ever think that I am less than ye
when takin’ coont o’ native Scot
wha fought that patriotic fight
withoot a Laird or highland chief....
for less than ye I’m not....


Read other stories from Graham Donachie


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus