Listen to the song here if it doesn't play automatically
The song will play in a new window allowing you to follow the words as you listen to the song.

Sung by Sally Logan and Joe Gordon

Aa the horse are in the stable
An the kye are in the byre
An the hard day’s work is over
An the auld folks roond the fire
I go slippin through the heather
Tae the fairm ahint the hill
Jist tae see ma bonnie laddie
By the auld meal mill

He's got een like bramble berries
He's got cheeks like mountain haws
And her lips are red like cherries
She's the bonniest floo'er that blaws
How I weary for the laddie
How I lang tae quit the drill
And go off tae meet thegither
By the auld meal mill

Aa the auld folk oft-times wonder
Whit could keep me oot sae late
But they never gang tae sleep
Until they hear me sneck the gate
But the auld man he jalouses
When he sees me tak the hill
That I’m aff tae meet ma laddie
By the auld meal mill

Aa the horse are in the stable
An the kye are in the byre
An the hard day’s work is over
An the auld folks roond the fire
I go slippin through the heather
Tae the fairm ahint the hill
Jist tae see ma bonnie laddie
By the auld meal mill

Jist tae see ma bonnie laddie
By the auld meal mill