Listen to the song here if it doesn't play automatically
The song will play in a new window allowing you to follow the words as you listen to the song.

Sung by Andy Stewart to his version of the lyrics

Noo whan Ah-want-ta lauchin Ah think of the scene
Whan aa'body roon cam ower tae clean,
An claarted themsel's richt up-ta the e'en
At the muckin o Geordie's byre.
Wi Robbie the Rochie an Willie the Doo,
The officer fell fur Jeannie McGrew;
And aa'body else that hud hud a capoo
At the muckin' o' Geordie's byre.
Och! siccan a sotter wis aa'body in,
Five mile awa ye cud hear the din;
Even the verra-coo hud to grin
At the muckin o Geordie's byre.

Noo the bobby cam roon tae quell the fowks doon
The cratur gat loast whaur the ricks hud thur foon
He fell in the midden, wis like tae droon
At the muckin o Geordie's byre.
The wecht o him syne sends the barrow in bits,
The wheel cairries oan an the officer hits;
Losh ye shud hiv seen hoo she did the splits
At the muckin o Geordie's byre.
Och! siccan a sotter wis aa'body in,
Five mile awa ye cud hear the din;
Even the verra-coo hud to grin
At the muckin o Geordie's byre.

Oh the whisky gaed roon, Tammy's fleein the doo
An aye as they drank, the mair they gat fou
The only yins sober, the calf an the coo
At the muckin o Geordie's byre.
Tammy roared oot, "Ring the bell fur mair"
Syne he tuggit the coo's tail, an pult oot a hair;
She kickit oot an gaes up in the air
At the muckin o Geordie's byre.
Och! siccan a sotter wis aa'body in,
Five mile awa ye cud hear the din;
Even the verra-coo hud to grin
At the muckin o Geordie's byre.